«ՀայՌուսգազարդ»-ը շարունակում է աջակցել Հայաստանի գիշերօթիկ հաստատություններին
Սոցիալական աջակցության ծրագրերի շրջանակում «ՀայՌուսգազարդ»-ը հերթական նվիրատվությունը կազմակերպեց Հայաստանի մի շարք գիշերօթիկ հաստատությունների համար: Ընկերությունը բազմատեսակ մարզական գույք, համակարգիչներ և հեռուստացույցներ նվիրեց Կապանի երեխաների խնամքի և պաշտպանության գիշերօթիկ հաստատությանը, Գյումրիի երեխաների սոցիալական հոգածության կենտրոնին, Երևանի երեխաների խնամքի և պաշտպանության թիվ 1 և թիվ 2 գիշերօթիկ հաստատություններին:
Ընկերության նվերները սպասված էին նաև Երևանի երեխաների խնամքի և պաշտպանության թիվ 2 գիշերօթիկ հաստատությունում, որտեղ շուրջ 80 երեխաներ կան: «ՀայՌուսգազարդը» մի քանի տարի շարունակ աջակցություն է ցուցաբերում այս հաստատությանը: Այս տարի գիշերօթիկի՝ վերանորոգումից հետո բացված մարզադահլիճը համալրվեց նոր մարզագույքով: «Այս օգնությունը կնապաստի մարզական պարապմունքների ավելի բարձր մակարդակով կազմակերպելուն, խաղերն ավելի հետաքրքիր դարձնելուն», — նշեց հաստատության տնօրեն Վարսենիկ Հովակիմյանը:
Գիշերօթիկում գործում նաև համակարգչային դասարան, որը համալրված է այդ թվում «ՀայՌուսագազարդի» կողմից տրամադրված համակարգչային տեխնիկայով:
Լինելով Հայաստանի խոշորագույն ընկերություններից մեկը՝ «ՀայՌուսգազարդ»-ը 2001 թվականից սկսած իրականացնում է սոցիալական նշանակության տարբեր ծրագրեր կրթական, մշակութային և մարզական ոլորտներում:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 2 ՄԲ)