Երևանում տեղի է ունեցել «Գազպրոմ էքսպորտ» և «Վինգազ» ընկերությունների ֆուտբոլային թիմերի հանդիպումը
Հոկտեմբերի 8-ին Երևանում տեղի է ունեցել «Գազպրոմ էքսպորտ» ՍՊԸ և «Վինգազ» ընկերության (Գերմանիա) ֆուտբոլային թիմերի հանդիպումը:
Երկու ընկերությունների ֆուտբոլիստները մի քանի տարի շարունակ անցկացնում են ամենամյա ընկերական հանդիպումներ տարբեր երկրներում, իսկ հերթական խաղի վայրը ընտրում է նախորդ խաղի հաղթողը:
Այս տարի «Գազպրոմ էքսպորտ»-ի և «Վինգազ»-ի ֆուտբոլիստներին հյուրընկալեց «Գազպրոմ Արմենիա» ընկերությունը: Ընդունող կողմի նախաձեռնությամբ խաղն անցկացվեց Հայաստանի ֆուտբոլի ֆեդերացիայի Ֆուտբոլի ակադեմիայի մարզադաշտում:
Հանդիպումն անցել է 1/8 ձևաչափով, թիմերը խաղացել են երկու խաղակես՝ յուրաքանչյուրը 35 րոպե տևողությամբ: Հանդիպումն ավարտվեց 3:1 հաշվով՝ հօգուտ «Գազպրոմ էքսպորտ»-ի թիմի:
Խաղի ավարտից հետո տեղի ունեցավ պարգևատրման արարողություն: Գավաթը «Գազպրոմ էքսպորտ»-ի ֆուտբոլիստներին փոխանցեց «Գազպրոմ Արմենիա» ՓԲԸ Վարչության նախագահ-Գլխավոր տնօրեն Վարդան Հարությունյանը:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 2 ՄԲ)