«Գազպրոմ Արմենիա»-ն առաջին անգամ մասնակցում է «Ֆակել» կորպորատիվ փառատոնին

Հոկտեմբերի 15-ից 22-ը Բաշկորտոստանի Հանրապետության մայրաքաղաք՝ Ուֆայում անցկացվում է «Գազպրոմ» ՀԲԸ-ի «Ֆակել» 7-րդ կորպորատիվ փառատոնը:

«Գազպրոմ» ՀԲԸ 19 դուստր ընկերություններ և կազմակերպություններ Ռուսաստանից, Բելառուսից, Հայաստանից, Ղրղզստանից ավելի քան 100 համերգային համարներով հանդես կգան հետևյալ անվանակարգերում. վոկալ, պարարվեստ, վոկալ-գործիքային համույթ, գործիքային համույթ, էստրադային կրկեսային ժանր, օրիգինալ ժանր, ֆոլկլոր: Լավագույն կատարողները և ստեղծագործական կոլեկտիվները հանդես կգան երեք տարիքային խմբերում. 5-ից 10 տարեկան, 11-ից 16 տարեկան և 17-ից բարձր:«Գազպրոմ Արմենիա» ՓԲԸ-ն մասնակցում է «Ֆակել» կորպորատիվ փառատոնին առաջին անգամ: Մրցույթին ելույթ կունենան Ալվինա Տիգրանյանը ՝ակադեմիկ վոկալ, Ջիվան Մկրտչյանը՝ էստրադային վոկալ և «Սարերի շունչը» համույթը՝ ժողովրդական վոկալ անվանակարգերում: Փառատոնի շրջանակում անցկացվում է նաև «Պատանի նկարիչ» մրցույթը, որին կներկայացվեն «Գազպրոմ Արմենիա» ընկերության աշխատակիցների երեխաների աշխատանքները. Անի Խաչատրան (7 տարեկան) «Կարապի լիճը», Իննա Պալյան (8 տարեկան) «Լուսաբաց», Լուսինե Դերձյան (9 տարեկան) «Կենդանի մոլորակ», Մարիաննա Միքայելյան (9 տարեկան) «Բնություն», Էլեն Կազարյան (11 տարեկան) «Հայաստան»:

Հասարակայնության և զանգվածային լրատվության միջոցների հետ կապերի ծառայություն

Կոնտակտային տվյալներ ԶԼՄ-ների համար՝

(+374 10) 29-47-60

(+374 10) 29-49-36

press@gazpromarmenia.am