Շարունակվում է ուսումնամարզական համալիրի շինարարությունը
Երևանի Ավան վարչական շրջանում շարունակվում է ուսումնամարզական համալիրի շինարարությունը, որն իրականացնում է «Գազպրոմ Արմենիա» ընկերությունը «Գազպրոմ» ՀԲԸ աջակցությամբ: Համալիրը կառուցվում է «Գազպրոմը՝ երեխաներին» լայնածավալ ծրագրի շրջանակում:
Շինհրապարակում ավարտված են բոլոր հողային աշխատանքները, կառուցվել է սահադաշտի շենքի պատերի հիմնական հատվածը, ավարտված է տրիբունաների տակ գտնվող սենքերի և սահադաշտի երկրորդ հարկի ծածկի շինարարությունը:
Ավարտական փուլում են դպրոցի և մանկապարտեզի հիմքի նախապատրաստման աշխատանքները, իրականացվում է ավտոտրանսպորտային միջոցների կայանատեղերի կառուցումը:
Համալիրում գործելու է մանկապարտեզ, դպրոց, լուղավազան, սահադաշտ, երկու ֆուտբոլային դաշտ, որոնցից մեկը՝ փակ, տարբեր մարզաձևերի համար նախատեսված սրահներ, պարասրահ: Ուսումնամարզական համալիրն օրական կարող է ընդունել շուրջ 2000 մարդ:
Ուսումնամարզական համալիրը կառուցվում է ժամանակակից տեխնոլոգիաների կիրառմամբ: Այս նախագիծը ունի բացառապես սոցիալական ուղղվածություն և իր բազմաֆունկցիոնալ հնարավորություններով համալիրը աննախադեպ է հանրապետությունում:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 2 ՄԲ)