Որակի տարվա շրջանակում «Գազպրոմ Արմենիա» ՓԲԸ-ում նախատեսված են մի շարք միջոցառումներ

15 մայիսի 2018, 15:51

«Գազպրոմ» ՀԲԸ-ում հայտարարված Որակի տարվա միջոցառումների շրջանակում 2018 թվականին «Գազպրոմ Արմենիա» ՓԲԸ-ում նախատեսվում են մի շարք միջոցառումներ՝ ուղղված աշխատանքների և ծառայությունների որակի բարձրացմանը, կորպորատիվ կառավարման համակարգի կատարելագործմանը, ղեկավար օղակում սերնդափոխության ապահովմանը, ինչը հնարավոր կլինի կադրերի ռեզերվի նպատակային ծրագրի իրականացման շնորհիվ:

Կադրերի ռեզերվի նպատակային ծրագրերը հնարավորություն են ընձեռում բացահայտել, նախապատրաստել և առաջադրել լավագույն, առավել հեռանկարանային աշխատակիցներին, որոնք իրենց մասնագիտական և անձնական հատկություններով ունակ են զբաղեցնելու համապատասխան պաշտոններ: Ընկերության համար կադրերի ռեզերվի ծրագիրը կադրերի պաշտպանվածության և բիզնեսի արդյունավետության աճի երաշխիքն է, իսկ աշխատողների համար, դա, առաջին հերթին, զարգացման և աշխատանքային առաջընթացի հնարավորություն է, ինչը թույլ է տալիս հասնել ընկերության առջև դրված նպատակներին ապագայում ևս, արձանագրել գործունեության կայուն ցուցանիշներ և կայուն զարգացման ոլորտում իրականացնել արդյունավետ ծրագրեր: Ընկերության աշխատողները վերապատրաստվում են «Գազպրոմ Արմենիա» ՓԲԸ «Ինժեներական կենտրոն» մասնաճյուղի Ուսումնատեխնիկական կենտրոնում և տարեսկզբից արդեն կազմակերպվել են մի շարք դասընթացներ: Բացի այդ, ընկերության աշխատողները «Գազպրոմ» ՀԲԸ ուսումնական կազմակերություններում կմասնակցեն որակավորման բարձրացմանն ուղղված դասընթացներին:

Լավագույն մասնագետներին բացահայտելու նպատակով «Գազպրոմ Արմենիա» ՓԲԸ-ում տեղի կունենան «Լավագույն հսկիչ», «Մայրուղային գազատարների և գազաբաշխման համակարգերի լավագույն ճարտարագետ» և «Լավագույն ԳԳՄ» մրցույթներ:

Հասարակայնության և զանգվածային լրատվության միջոցների հետ կապերի ծառայություն

Կոնտակտային տվյալներ ԶԼՄ-ների համար.

+374 10 29-47-60

+374 10 29-49-36

m.harutyunyan@gazpromarmenia.am