«ՀայՌուսգազարդ»-ը շարունակում է աջակցել Հայաստանի գիշերօթիկ հաստատություններին

15 հոկտեմբերի 2013

«ՀայՌուսգազարդ»-ը՝ շարունակելով բարեգործական առաքելությունը, հերթական նվիրատվությունը կազմակերպեց Հայաստանի երեխաների խնամքի եւ պաշտպանության գիշերօթիկ և կրթական մի շարք հաստատությունների համար:

«ՀայՌուսգազարդ»-ը մարզական գույք, հեռուստացույցներ և խաղալիքներ նվիրեց Գյումրու, Գավառի մանկատների եւ Վանաձորի նախադպրոցական ուսումնական հաստատության սաներին:


Ինչպես նախորդ տարիներին, այս անգամ նույնպես մեծ ուրախությամբ և ոգևորությամբ «ՀայՌուսգազարդ»-ի նվերներն ընդունեցին նաեւ Երեւանի երեխաների խնամքի և պաշտպանության թիվ 1 և թիվ 2 գիշերօթիկ հաստատությունների սաները:


Լինելով Հայաստանի խոշորագույն ընկերություններից մեկը՝ «ՀայՌուսգազարդ»-ը ավելի քան 10 տարի իրականացնում է սոցիալական նշանակության տարբեր ծրագրեր կրթական, մշակութային և մարզական ոլորտներում: