Շահագրգիռ քննարկում ներտնային գազասպառման համակարգի տեխնիկական սպասարկումը բարելավելու նպատակով

22 փետրվարի 2007, 15:00

«ՀայՌուսգազարդ» ՓԲԸ և ՀՀ հանրային ծառայությունները կարգավորող հանձնաժողովի համատեղ նախաձեռնությամբ խորհրդակցություն էր հրավիրվել «ՀայՌուսգազարդ» ՓԲԸ վարչական շենքում` ներտնային գազասպառման կենցաղային համակարգի տեխնիկական սպասարկման խնդիրների վերաբերյալ: Ընկերության Վարչության նախագահ-գլխավոր տնօրեն Կարեն Կարապետյանի խոսքերով` ներտնային համակարգի անվտանգության բարձրացման հետ կապված թերևս ամենաշահագրգիռ կողմը «ՀայՌուսգազարդ»-ն է: Այդ իսկ պատճառով Ընկերությունը պատրաստ է լսել և ընդունել այն բոլոր առաջարկություններն ու բողոքները, որոնք կնպաստեն արդյունավետ լուծումներ գտնել ծառայության աշխատանքները բարելավելու համար:

Քննարկմանը մասնակից «Սպառողների ասոցիացիա», «Բնակարանային-կոմունալ ոլորտի աշխատողների միություն», «Սպառողների իրավունքների պաշտպանություն», «Հասարակական պաշտպանների միություն» հասարակական կազմակերպությունների ներկայացուցիչները իրենց հարցադրումներն ու դիտարկումները ներկայացրեցին մատուցվող ծառայության որակի ապահովման, աշխատանքների կազմակերպման, ինչպես նաև փաստաթղթային ձևակերպումների վերաբերյալ:
Քննարկմանը մասնակից կառույցներին Կարեն Կարապետյանն առաջարկեց շարունակել մոնիթորինգները, միաժամանակ հորդորեց ակտիվացնել հասարակական վերահսկողության մեխանիզմները` ուշադրության կենտրոնում ունենալով հասարակության բոլոր ռիսկային խմբերը:
Ընդգծելով շահագրգիռ քննարկումների օգտակարությունը, մասնակիցների առաջարկությամբ որոշվեց պարբերական դարձնել դրանք` խնդիրներին համատեղ լուծումներ գտնելու նպատակով:

Հասարակայնության և զանգվածային լրատվության միջոցների հետ կապերի ծառայություն

Կոնտակտային տվյալներ ԶԼՄ-ների համար.

+374 10 29-47-60

+374 10 29-49-36

m.harutyunyan@gazpromarmenia.am

LiveJournal Share Button