Նկարների ցուցահանդես-մրցույթ նվիրված Երկրի օրվան և խաղաղությանը

• Նկարագրություն
• Ֆոտոալբոմ

10 մայիսի 2016, 11:32

Մայիսի 6-ին «Գազպրոմ Արմենիա» ՓԲԸ վարչական համալիրի տարածքում կազմակերպվել էր նկարների և լուսանկարների ցուցահանդես-մրցույթ՝ նվիրված Երկրի օրվան և խաղաղությանը:

Ցուցահանդեսին մասնակցում էին ընկերության աշխատակիցների 6-ից 15 տարեկան ավելի քան 25 երեխաներ: Ներկայացված էին 50-ից ավելի մանկական աշխատանքներ՝ մայր բնությանը, բնապահպանությանն ու մոլորակի խաղաղությանն առնչվող թեմաներով: Լավագույն 3 նկարների հեղինակները՝ Սարգսյան Վարդուհին, Վարդանյան Լիլիթը և Միքայելյան Մարիաննան արժանացան «Գազպրոմ Արմենիա»-ի կողմից սահմանված հատուկ մրցանակներին: Խրախուսական մրցանակների արժանացան նաև լուսանկարչական աշխատանքների հեղինակները: Միջոցառման ընթացքում անցկացվեց նաև խաղ-վիկտորինա, որն ընդգրկում էր Երկիր մոլորակի և խաղաղության վերաբերյալ հարցերի լայն շրջանակ: Վիկտորինայի ակտիվ մասնակիցները ևս արժանացան մրցանակների:

«Գազպրոմ Արմենիա»-ն նախատեսում է նման միջոցառումները դարձնել շարունակական: