ՀԾԿՀ-ը սահմանել է բնակիչների հետ կնքվող նոր պայմանագրի օրինակելի ձևը
Հայաստանի Հանրապետության հանրային ծառայությունները կարգավորող հանձնաժողովը հոկտեմբերի 15-ի նիստում որոշել է սահմանել բնական գազի մատակարարման (մատակարար-բաժանորդ (բնակիչ)) պայմանագրի օրինակելի ձևը՝ համաձայն հավելվածի (PDF, 230 ԿԲ):
ՀԾԿՀ-ի որոշումը ուժի մեջ կմտնի 2015 թվականի հունվարի 1-ից:
Հանձնաժողովի որոշմամբ՝ 2015 թվականի հունվարի 1-ից մինչև սեպտեմբերի 1-ը «Գազպրոմ Արմենիա» ՓԲԸ-ն բնակիչ—բաժանորդների հետ կնքված գազամատակարարման պայմանագրերը պետք է համապատասխանեցնի նշված որոշմամբ սահմանված պայմանագրի օրինակելի ձևին:
Միաժամանակ հանձնաժողովը որոշել է ուժը կորցրած ճանաչել 2005 թ. դեկտեմբերի 9-ի «Կենցաղային սպառման համար բնական գազի մատակարարման (մատակարար—բաժանորդ (բնակիչ)) պայմանագրի օրինակելի ձևը հաստատելու մասին» № 199Ն, ինչպես նաև 2008 թ. հոկտեմբերի 8-ի «Հայաստանի Հանրապետության հանրային ծառայությունները կարգավորող հանձնաժողովի 2005 թվականի դեկտեմբերի 9-ի № 199Ն որոշման մեջ փոփոխություն կատարելու մասին» № 539Ն որոշումը:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36