ruamen
«Գազպրոմ» ՀԲԸ

ՀՀ գազափոխադրման ու գազաբաշխման համակարգերը պատրաստ են  2014–2015թթ. ձմռան շրջանում հուսալի շահագործման

«Գազպրոմ Արմենիա» ՓԲԸ իրականացրել է բոլոր անհրաժեշտ նախապատրաստական պլանային աշխատանքները ձմռան ժամանակահատվածում գազափոխադրման ու գազաբաշխման համակարգերը հուսալի շահագործելու, ինչպես նաև հանրապետության սպառողներին անվտանգ և անխափան գազամակատարարում ապահովելու համար:

Աշուն-ձմեռ 2014–2015թթ. նախապատրաստական աշխատանքների շրջանակում, մասնավորապես, իրականացվել են համալիր միջոցառումներ՝ ուղղված մայրուղային գազատարերի և գազաբաշխիչ համակարգի շահագործման հուսալիության ու անվտանգության բարձրացմանը, կատարվել է ԳՓՀ օբյեկտների դիագնոստիկ հետազոտություն, ավտոմատացված կառավարման համակարգերի տեխնիկական սպասարկում:

Պլանային միջոցառումներ են իրականացվել նաև Աբովյանի ստորգետնյա գազապահեստ կայանում շահագործվող հորերի տեխնիկական վիճակի գնահատման, կոմպրեսորային արտադրամասի վերականգնման ուղղությամբ:

Ստորգետնյա պահեստ-կայանում առկա է բնական գազի օպերատիվ պահուստային ծավալ՝ մատակարարվող գազի սեզոնային և պիկային տատանումների կառավարումն ապահովվելու համար:

Ձմռան շրջանում բնական գազի սպառման սեզոնային ծանրաբեռնվածության պայմաններում, հատկապես բնակչության կողմից սպառման օրական միջին ծավալն աճում է մինչև 7 անգամ, գազափոխադրման ու գազաբաշխման համակարգի օբյեկտները պատրաստ են հուսալի շահագործման:

2014–2015թթ. աշուն-ձմեռ ժամանակահատվածում ՀՀ գազամատակարարման համակարգի օբյեկտների հուսալի շահագործման պատրաստվածության մասին դրական որոշում է կայացրել «Գազպրոմ» ԲԲԸ հանձնաժողովը, որի կողմից իրականացվել են կատարված աշխատանքների և հիմնական ու լրացուցիչ սարքավորումների վիճակի ստուգումներ:

Հասարակայնության և զանգվածային լրատվության միջոցների հետ կապերի ծառայություն

Կոնտակտային տվյալներ ԶԼՄ-ների համար՝

(+374 10) 29-47-60

(+374 10) 29-49-36

m.harutyunyan@gazpromarmenia.am

Դեկտեմբեր ամսվա նորությունները