16-ամյա էռնա Միրզոյանը՝ «Սոզվեզդիե» փառատոնում
Օգոստոսի 25—ից 29—ը Վորոնեժում կայացավ «Գազպրոմ Տրանսգազ Մոսկվա» ԲԲ Ընկերության ինքնագործ համույթների և կատարողների ավանդական դարձած «Սոզվեզդիե» կորպորատիվ փառատոնը, որն իր շուրջ էր հավաքել ավելի քան 600 մասնակիցների:
Փառատոնի պաշտոնական բացման արարողությանը և եզրափակիչ Գալա-համերգին արտամրցութային կարգով հանդես եկավ 16-ամյա էռնա Միրզոյանը, որի վառ կատարումները արժանացան հանդիսատեսի ծափողջյուններին ու բարձր գնահատանքին:
Փառատոնի ժյուրիի նախագահ, ՌԴ վաստակավոր արտիստ Սեմյոն Միլշտեյնը իր ողջույնի խոսքում հատուկ շնորհակալություն հայտնեց հայ բարեկամներին՝ իր իսկ խոսքով համաշխարհային մակարդակի ելույթ ներկայացնելու համար, միաժամանակ նշելով, որ հայերը շարունակում են զարմացնել ու զարմացնել:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36