«Գազպրոմ Արմենիա ՓԲԸ Վարչության նախագահ-գլխավոր տնօրենը շնորհավորել է ընկերության աշխատակիցներին մասնագիտական տոնի առթիվ
Սեպտեմբերի առաջին կիրակին, ավանդույթի համաձայն, նշվում է որպես գազի համակարգի աշխատողների մասնագիտական տոն:
«Գազպրոմ Աևմենիա» ՓԲԸ Վարչության նախագահ—Գլխավոր տնօրեն Հրանտ Թադևոսյանը շնորհավորել է ընկերության աշխատակիցներին մասնագիտական տոնի առթիվ:
գործընկերներ,
Ջերմորեն շնորհավորում եմ ձեզ գազի համակարգի աշխատողների օրվա առթիվ:
20 տարի շարունակ մենք հպարտությամբ ենք նշում այս տոնը, քանի որ առանցքային է մեր ընկերության դերակատարումը հանրապետության գազի տնտեսության և էներգետիկ համակարգի կայացման ու էներգետիկ անվտանգության ապահովման գործում:
Իր գործունեության ընթացքում «Գազպրոմ Արմենիա»-ն հասել է նշանակալի արդյունքների, ինչի շնորհիվ այսօր Հայաստանում ապահովված է անխափան ու հուսալի գազամատակարում:
Համոզված եմ, որ ընկերության աշխատակիցների մասնագիտական բարձր պատրաստվածությունը, մեծ փորձը և ներուժը, պատասխանատվությունն ու նվիրվածությունն աշխատանքին հնարավորություն են ընձեռում մեզ հետագայում ևս հաջողությամբ լուծել մեր առջև դրված բոլոր խնդիրները:
Այսօր «Գազպրոմ Արմենիա»-ն առաջատար դիրք է զբաղեցնում ոչ միայն Հայաստանի գազաէներգետիկ ոլորտում, այլ նաև երկրի տնտեսությունում ընդհանրապես: Ցանկանում եմ հատուկ ընդգծել, որ մեր ընկերության բոլոր խոշոր նախագծերի և ծրագրերի իրականացումը հնարավոր է դարձել «Գազպրոմ» ՀԲԸ ղեկավարության կողմից ցուցաբերվող վստահության և համակողմանի աջակցության շնորհիվ:
Կրկին շնորհավորում եմ «Գազպրոմ Արմենիա» ընկերության աշխատակիցներին մասնագիտական տոնի առթիվ, մաղթում եմ աշխատանքային նոր նվաճումներ, քաջառողջություն և հաջողություն բոլոր նախաձեռնություններում:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 1 ՄԲ)