«Գազպրոմ Արմենիա» ՓԲԸ Վարչության նախագահ-Գլխավոր տնօրեն Ա․Հակոբյանը ՈՒՍՀ դպրոցի լավագույն սաներին հանձնեց կրթաթոշակի վկայականները

Շնորհավորելով հաղթողներին և մաղթելով նորանոր հաջողություններ հետագա ուսման մեջ, Ա․Հակոբյանը նշեց, որ այսօրվա միջոցառումը առանձնահատուկ է, քանի որ «Գազպրոմ Արմենիա» ընկերության և Ուսումնա-սպորտային համալիրի կրթաթոշակների հետ մեկտեղ հանձնվում է Հ․Թադևոսյանի անվան կրթաթոշակը։

«Պատվավոր այս կրթաթոշակը հիմնադրվել է ի հիշատակ „Գազպրոմ Արմենիա“ ՓԲԸ նախկին ղեկավար Հրանտ Թադևոսյանի, մարդու՝ ով բարձր էր գնահատում գիտելիքը, լավ կրթությունը։ Նրա անմիջական շահագրգռվածությունը, անձնական աջակցությունը և ուշադրությունը մեծ դեր են ունեցել մեր դպրոցի կայացման և զարգացման գործում», — նշեց «Գազպրոմ Արմենիա» ՓԲԸ Վարչության նախագահ-Գլխավոր տնօրենը։

Կրթաթոշակների հանձնման արարողությունից հետո «ԳԱՈՒՍ» թատերախումբը հանդես եկավ «Թմկաբերդի առումը» ներկայացմամբ։