Ընթացիկ տարում նախատեսվում է 130 միավոր պահարանային գազի կարգավորիչ կետերի կապիտալ նորոգում
«Գազպրոմ Արմենիա» ՓԲԸ գազաֆիկացման և գազամատակարարման մասնաճյուղերի (ԳԳՄ) կողմից գազաբաշխման համակարգի օբյեկտներում իրականացվում են համալիր աշխատանքներ, որոնք նախատեսված են Ընկերության 2024թ․ կապիտալ նորոգման պլանով։
Աշխատանքների ժամանակացույցի համաձայն Լոռու ԳԳՄ-ի կողմից ներկայումս կատարվում են պահարանային գազի կարգավորիչ կետերի (ՊԳԿԿ) կապիտալ նորոգման (փոխարինման) աշխատանքներ Վանաձոր, Ալավերդի, Ստեփանավան, Տաշիր, Սպիտակ քաղաքներում, ինչպես նաև Լոռու մարզի մի շարք գյուղական բնակավայրերում։
Ընթացիկ տարում նախատեսված է փոխարինել Լոռու ԳԳՄ-ի կողմից սպասարկվող գազաբաշխիչ ցանցի 20 միավոր ՊԳԿԿ-ներ։
2024թ․ ընթացքում կապիտալ նորոգման ենթակա ՊԳԿԿ-ների ընդհանուր քանակը Հայաստանի ամբողջ տարածքում կազմում է 130 միավոր։ Ընթացիկ տարվա կապիտալ նորոգման պլանով նախատեսված են նաև ցածր և միջին ճնշման գազատարների կապիտալ նորոգման աշխատանքներ Երևան քաղաքում և մարզերում, իսկ կապիտալ նորոգման ենթակա հատվածների ընդհանուր երկարությունը կազմում է շուրջ 35 կմ։
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 704 ԿԲ)