Գառնիկ Մսրյանը դարձել է «Ֆակել» 10-րդ կորպորատիվ փառատոնի զոնալ փուլի հաղթող
Բիշքեկում տեղի է ունեցել «Գազպրոմ» ՀԲԸ դուստր ընկերությունների ստեղծագործական համույթների և կատարողների «Ֆակել» 10-րդ կորպորատիվ փառատոնի զոնալ փուլի հաղթողների պարգևատրման արարողությունը։
Գառնիկ Մսրյանը, ով փառատոնում ներկայացնում է «Գազպրոմ Արմենիա» ընկերությունը, ընդգրկվել է հաղթողների թվում՝ զբաղեցնելով 1-ին տեղը «Էստրադային վոկալ (մենակատարում)» անվանակարգում։ Պատանի երգիչը «Ֆակել»-ի բեմում ներկայացրել է «Հայաստան աշխարհ» երգը։ Գառնիկն արաժանացել է նաև փառատոնի ժյուրիի հատուկ մրցանակի։
Պարգևատրման արարողության ներկա էր «Գազպրոմ Արմենիա» ՓԲԸ Վարչության նախագահ-Գլխավոր տնօրեն Ա․Հակոբյանը։
«Ֆակել» փառատոնի զոնալ փուլին մասնակցելու համար Բիշքեկ են ժամանել «Գազպրոմ» ՀԲԸ 22 դուստր ընկերություններից ավելի քան 800 կատարողներ և արտիստներ։
«Գազպրոմ Արմենիա» ընկերության ներկայացուցիչը Բիշքեկում և Սամարայում անցկացված զոնալ փուլերի մնացած հաղթողների հետ մասնակցելու է «Գազպրոմ» ՀԲԸ «Ֆակել» 10-րդ կորպորատիվ փառատոնի եզրափակչին, որը տեղի է ունենալու 2025թ․ մայիսին։
Ամփոփվել են նաև «Պատանի նկարիչ» ավանդական մրցույթի արդյունքները։ Մրցույթն այս տարի նվիրված էր «Ֆակել»-ի 20-ամյակին։ «Գազպրոմ Արմենիա» ընկերությունը ներկայացնող Արփի Աղաբեկյանը դարձել է մրցույթի դափնեկիրներից։
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36