Արարատի մարզում գազաֆիկացվեց 78-րդ համայնքը՝ Բարձրաշենը
7 տարվա ընդմիջումից հետո Արարատի մարզի Բարձրաշեն համայնքում նորից վառվեց բնական գազը: «ՀայՌուսգազարդ» ՓԲԸ միջոցներով համայնքում կառուցվել է 8.5 կմ երկարությամբ գազատար, որի արդյունքում 150 տնտեսությունների բնական գազից օգտվելու հնարավորություն է տրվել: Գյուղն ունի 400 տնտեսություն, 1641 բնակիչ:
Ներկայացնելով Արարատի մարզում գազաֆիկացման ընթացքը, «ՀայՌուսգազարդ» ՓԲԸ գլխավոր տնօրենի տեղակալ Խաչատուր Բաղդասարյանը նշեց, որ նախկինում Արարատի մարզում բնական գազից օգտվել են 54 համայնքներ, այսօր արդեն մարզում գազաֆիկացվեց 78-րդ համայնքը՝ Բարձրաշենը: Նախկինում այս տարածաշրջանում բնական գազ է սպառել շուրջ 34 500 բաժանորդ, այսօր այդ թիվն ավելացել է շուրջ 1000 բաժանորդով: Գազաբաշխման համակարգում կատարված աշխատանքների արդյունքում ևս 14500 ընտանիքի գազից օգտվելու հնարավորություն է ընձեռվել: Արարատի մարզպետ Ալիկ Սարգսյանի խոսքերով, մարզը գազաֆիկացման ծավալներով հանրապետությունում լավագույն ցուցանիշներից մեկն ունի:
Անցյալ դարասկզբին հիմնված Բարձրաշենի բնակիչները, որոնք հիմնականում զբաղվում են հողագործությամբ ու անասնապահությամբ, համոզված են, որ բնական գազի մուտքը էապես կփոխի իրենց կենցաղը:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36