«Գազպրոմ Արմենիա»-ն՝ երեխաներին
«Գազպրոմ Արմենիա» ընկերությունը հերթական բարեգործական ծրագիրն իրականացրեց Լեռնային Ղարաբաղի Հանրապետությունում: Երկար տարիների ընթացքում ձևավորված բարի ավանդույթի համաձայն՝ Արցախի կրթական մի շարք հաստատություններին «Գազպրոմ Արմենիա» ՓԲԸ-ի կողմից փոխանցեցին բազմատեսակ մարզական գույք, համակարգիչներ և հեռուստացույցներ:
«Գազպրոմ Արմենիա» ընկերության համար անփոփոխ է մնացել ընկերության վաղեմի բարեկամ՝ Ստեփանակերտի երեխաների խնամքի և պաշտպանության թիվ 1 գիշերօթիկ հաստատություն այցելելու ավանդույթը: Ինչպես նախկինում, այս տարի նույնպես հաստատության սաները բացի մարզական գույքից, համակարգչից և հեռուստացույցից ստացան բազմազան խաղալիքներ: Ընկերության աշխատակիցները նվերներ փոխանցեցին նաև Ստեփանակերտի թիվ 9 հիմնական դպրոցին և Մարտակերտի Վլադիմիր Բալայանի անվան միջնակարգ դպրոցին:
Շարունակելով բարեգործական առաքելությունը, «Գազպրոմ Արմենիա» ընկերությունը նվիրատվություն կազմակերպեց նաև Հայաստանի երեխաների խնամքի եւ պաշտպանության գիշերօթիկ և կրթական մի շարք հաստատությունների համար: «Գազպրոմ Արմենիա»-ի կողմից նվերներ ստացան Գյումրու, Գավառի, Վանաձորի մանկատների, ինչպես նաև «Երեխաների աջակցության կենտրոն» հիմնադրամի սաները:
«Գազպրոմ Արմենիա» ՓԲԸ-ն՝ լինելով Հայաստանի խոշորագույն ընկերություններից մեկը, ավելի քան 10 տարի իրականացնում է սոցիալական նշանակության տարբեր ծրագրեր կրթական, մշակութային և մարզական ոլորտներում:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36