Գազատարների վրա իրականացվում են էլեկտրաքիմիական պաշտպանության և կոռոզիոն վիճակի համալիր հետազոտության աշխատանքներ
Ստորգետնյա գազատարների անվտանգ շահագործումը զգալիորեն կախված է էլեկտրաքիմիական պաշտպանության վիճակից:
«Գազպրոմ Արմենիա» ՓԲԸ «Ինժեներական կենտրոն» մասնաճյուղի Գազատարների էլեկտրաքիմիական պաշտպանության (ԳԷՔՊ) բաժինը իրականացնում է ստորգետնյա մետաղական գազատարների էլեկտրաքիմիական պաշտպանության աշխատանքներ գրունտային կոռոզիայից և թափառող հոսանքներից` կատոդային և դրենաժային կայանների միջոցով:
Հանրապետության ԳՏՀ և ԳԲՀ գազատարների վրա գործում են 474 կատոդային և 39 դրենաժային կայաններ:
Էլեկտրաքիմիական պաշտպանության (ԷՔՊ) կայանների տեխնիկական սպասարկումը կատարվում է ամիսը երկու անգամ` նախապես հաստատված գրաֆիկով:
Գազատրանսպորտային և Գազաբաշխման համակարգերի ստորգետնյա մետաղական գազատարների կոռոզիոն վիճակի համալիր հետազոտությունն ու ախտորոշումը իրականացվում է Գազատարների կոռոզիոն վիճակի հետազոտության և ախտորոշման (ԳԿՎՀ և Ա) ծառայության կողմից, որը հագեցած է «Գազպրոմ» ԲԲԸ պահանջներին համապատասխան գործիքներով և սարքավորումներով:
Հետազոտական աշխատանքները կատարվում են «Գազպրոմ» ԲԲԸ հաստատված նորմատիվներով:
Հաստատված պլանի և ժամանակացույցի համաձայն Ծառայության ուժերով այս տարի կատարվելու են ԳՏ համակարգի 275,7 կմ և ԳԲ համակարգի 141կմ գազատարների հետազոտության աշխատանքներ` գազատարների հիմնանորոգման աշխատանքները 2016–2017թթ. պլանավորելու նպատակով:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Հունիս ամսվա նորությունները
- Հունիս ամսվա 2-րդ տասնօրյակին մատակարարված բնական գազի ստորին այրման ջերմության միջին արժեքը
- Հունիս ամսվա առաջին տասնօրյակին մատակարարված բնական գազի ստորին այրման ջերմության միջին արժեքը
- Մայիս ամսվա 3-րդ տասնօրյակին մատակարարված բնական գազի ստորին այրման ջերմության միջին արժեքը
- Երեխաների պաշտպանության միջազգային օրը «Գազպրոմ Արմենիա» ընկերությունում
Մեծացված լուսանկար (JPG, 2 ՄԲ)