2020 թվականին «Ուսումնատեխնիկական կենտրոն»-ում ուսուցանվել է «Գազպրոմ Արմենիա»-ի 95 մասնագետ

2020 թվականի ընթացքում «Գազպրոմ Արմենիա» ՓԲԸ «Ինժեներական կենտրոն» մասնաճյուղի Ուսումնատեխնիկական կենտրոնում ուսուցանվել և գիտելիքների ստուգում է անցել ընկերության 95 մասնագետ, որից 82-ը մասնաճյուղերից, 13-ը՝ ընկերություններից: Գազ սպառող այլ կազմակերպություններից ուսուցանվել է 6 աշխատող, իսկ անհատական ուսուցման ծրագրով՝ 4 մարդ:

Մեծացված լուսանկար (JPG, 2 ՄԲ)

Դասընթացները հիմնականում անցկացվել են «Ինժեներական կենտրոն» մասնաճյուղում կամ «Գազպրոմ Արմենիա» ՓԲԸ համակարգի մասնաճյուղերում, որոնց ավարտից հետո կազմակերպվել են գիտելիքների ստուգման քննություներ:

Մեծացված լուսանկար (JPG, 776 ԿԲ)

«Գազպրոմ Արմենիա» ՓԲԸ աշխատակիցների մասնագիտական գիտելիքների բարձրացման համար ՈՒՏԿ—ում անցկացվել են դասընթացներ հետևյալ մասնագետների համար.

· գազաբաշխման համակարգի շահագործող կազմակերպությունների ինժեներատեխնիկական աշխատողներ և գծային անձնակազմ,

· գազափոխադրման համակարգի շահագործող կազմակերպությունների ինժեներատեխնիկական աշխատողներ և գծային անձնակազմ,

· գազի ստորգետնյա պահեստարան կայանները (ԳՍՊԿ) սպասարկող և շահագործող ինժեներատեխնիկական աշխատողներ և գծային անձնակազմ,

· գազի քանակի հաշվառումով զբաղվող անձնակազմ (հսկիչներ),

· ձեռնարկությունների, կաթսայատների և այլ կազմակերպությունների գազի տնտեսության պատասխանատուներ,

· պոլիէթիլենային խողովակների եռակցող—օպերատորներ,

· գազով աշխատող ջրի՝ մինչև 388,15Կ (115°С) ջերմաստիճանի ջրատաքացման կաթսայական տեղակայանքների շահագործող անձնակազմ (հնոցապան—օպերատորներ),

· գազամատակարարման համակարգերի նախագծա—նախահաշվային աշխատանքներ իրականացնող անձնակազմ,

· գազատարերի էլեկտրաքիմիական պաշտպանության (ԷՔՊ) տեղակայանքների շահագործող ու սպասարկող անձնակազմ,

· վթարա—կարգավարական ծառայության անձնակազմ:

2020 թ.-ին «Ինժեներական կենտրոն» մասնաճյուղի աշխատակիցների և գազ վառելիքով աշխատող ավտոմեքենաների վարորդների, ինչպես նաև մասնաճյուղերի պոլիէթիլենային խողովակների եռակցող—օպերատորների համար գիտելիքների հերթական ստուգում է իրականացվել:

Բացի ուսումնական գործընթացից, ՈՒՏԿ—ը մշակում և կազմում է մեթոդական ուղեցույցեր, բրոշյուրներ, հուշաթերթիկներ և այլն:

2020թ.-ին մշակվել և «Գազպրոմ Արմենիա» ՓԲԸ կողմից հաստատվել է «Ստորգետնյա գազատարերի մեկուսացման և վերամեկուսացման աշխատանքների կազմակերպում ու իրականացում» ծրագիրը: