Ի գիտություն բաժանորդների

17 մարտի 2023, 16:27«Գազպրոմ Արմենիա» փակ բաժնետիրական ընկերությունն իրազեկում է, որ Հայաստանի Հանրապետության հանրային ծառայությունները կարգավորող հանձնաժողովի 2022 թվականի դեկտեմբերի 14-ի N537-Ն որոշմամբ (այսուհետ՝ Որոշում) սահմանվել է Բնական գազի մատակարարման պայմանագրի օրինակելի ձևը (Որոշումը և Բնական գազի մատակարարման պայմանագրի օրինակելի ձևը հրապարակված են www.arlis.am կայքում):

Որոշման 3-րդ կետով սահմանվել է, որ եթե բաժանորդը մինչև 2023 թվականի ապրիլի 1-ը գրավոր չի դիմում «Գազպրոմ Արմենիա» փակ բաժնետիրական ընկերությանը՝ լուծելու իր հետ կնքված բնական գազի մատակարարման պայմանագիրը, և նույն ամսաթվից շարունակում է բնական գազի փաստացի սպառումը, այդ պայմանագիրը համարվում է փոփոխված սույն որոշման 1-ին կետով սահմանված՝ բնական գազի մատակարարման պայմանագրի օրինակելի ձևին համապատասխան:

Որոշման 4-րդ կետով 2023 թվականի ապրիլի 1-ից ուժը կորցրած է ճանաչվելու Հայաստանի Հանրապետության հանրային ծառայությունները կարգավորող հանձնաժողովի`

1) 2013 թվականի հունիսի 5-ի «Բնական գազի մատակարարման (մատակարար-բաժանորդ (կազմակերպություն)) պայմանագրի օրինակելի ձևը հաստատելու մասին» N 176-Ն որոշումը,

2) 2014 թվականի հոկտեմբերի 15-ի «Բնական գազի մատակարարման (մատակարար-բաժանորդ (բնակիչ)) պայմանագրի օրինակելի ձևը սահմանելու մասին» N 383-Ն որոշումը:

Այն բաժանորդերը, որոնք կցանկանան լուծել «Գազպրոմ Արմենիա» փակ բաժնետիրական ընկերության հետ կնքված Բնական գազի մատակարարման պայմանագրերը կարող են մինչև 2023 թվականի ապրիլի 1-ը ներկայացնել համապատասխան դիմումներ իրենց տարածքային գազիֆիկացման և գազամատակարարման մասնաճյուղեր (ԳԳՄ-ներ)՝ ստորև նշված հասցեներով.

1․ Երևանի ԳԳՄ՝ ք.Երևան, Չարենցի 141/3 ա

2․ Շիրակի ԳԳՄ՝ Շիրակի մարզ, ք.Գյումրի, Չայկովսկու 2 

3․ Աբովյանի ԳԳՄ՝ Կոտայքի մարզ, ք.Աբովյան, Սևանի 16