Բաժանորդների հուսալի, անխափան և անվտանգ գազամատակարարման ապահովումը՝ կարևոր խնդիր
«Գազպրոմ Արմենիա» ՓԲԸ Վարչության նախագահ-Գլխավոր տնօրեն Աշոտ Հակոբյանը անցկացրել է խորհրդակցություն, որին մասնակցել են Ընկերության գազաֆիկացման և գազամատակարարման մասնաճյուղերի ու դուստր ընկերությունների տնօրենները:Քննարկվել են 2023 թվականի առաջին եռամսյակի արտադրական գործունեության արդյունքները, ինչպես նաև ընթացիկ տարում նախանշված աշխատանքները և ծրագրերը, որոնց առնչությամբ տրվել են համապատասխան հանձնարարականներ:
Հատուկ ուշադրություն հրավիրվեց բաժանորդների հուսալի, անխափան և անվտանգ գազամատակարարման ապահովման, մատուցվող ծառայությունների որակի բարձրացման հետ կապված հարցերին:
Գազափոխադրման և գազաբաշխման համակարգերի շահագործման խնդիրների առումով «Գազպրոմ Արմենիա» ՓԲԸ Վարչության նախագահ-Գլխավոր տնօրենն ընդգծեց, որ իրականացված և ընթացող աշխատանքները դրական ազդեցություն ունեն բնական գազի տեխնոլոգիական անխուսափելի կորուստների նվազեցման դինամիկայի տեսանկյունից։
Նշվեց նաև, որ մայրուղային գազատարների վրա և բաշխիչ ցանցում Կապիտալ նորոգման պլանով նախատեսված աշխատանքները պետք է կատարվեն ամբողջական ծավալով՝ համակարգի ընդհանուր հուսալիությունն ու անվտանգության մակարդակը բարձրացնելու նպատակով։
Անդրադառնալով բնական գազի իրացման և բաշխման գծով արձանագրված ցուցանիշներին, Աշոտ Հակոբյանը հանձնարարեց հետևողական աշխատանք տանել դեբիտորական պարտավորությունների նվազեցման ուղղությամբ։
«Գազպրոմ Արմենիա» ՓԲԸ Վարչության նախագահ-Գլխավոր տնօրենի խոսքով, անհրաժեշտ է նաև ապահովել առևտրային հաշվառքի սարքերի ստուգաչափման գործընթացը պատշաճ մակարդակով և սահմանված կարգին խիստ համապատասխան։
Խորհրդակցության ընթացքում քննարկվեցին նաև այլ հարցեր և տրվեցին համապատասխան հանձնարարականներ:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 585 ԿԲ)