Կենցաղում բնական գազից օգտվելու անվտանգության պահանջների խախտմամբ պայմանավորված դեպքերի քանակը նվազել է
«Գազպրոմ Արմենիա» ՓԲԸ գազաֆիկացման և գազամատակարարման մասնաճյուղերի (ԳԳՄ) 2023թ․ արտադրա-շահագործական գործունեության նախնական արդյունքները, ինչպես նաև ծախսերին ու ֆինանսական կարգապահությանն առնչվող հարցեր քննարկվեցին ԳԳՄ-ների տնօրենների մասնակցությամբ հրավիրված խորհրդակցության ընթացքում։«Գազպրոմ Արմենիա» ՓԲԸ Վարչության նախագահ-Գլխավոր տնօրեն Ա․Հակոբյանը նշեց, որ սպառողներին մատակարարված բնական գազի դիմաց վճարումների հավաքագրման մակարդակը ընդհանուր առմամբ բարձր է։
«Վճարումների հավաքագրման առումով ունենք իսկապես բարձր ցուցանիշ։ Բացառապես դրական՝ 100 տոկոսից ավելի արդյունք է գրանցվել գազասպառման համակարգի տեխնիկական սպասարկման համար վճարումների մասով։ Շատ կարևոր է հետագայում ևս պահպանել այս մակարդակը», — ընդգծեց Ա․ Հակոբյանը։
Ինչ վերաբերում է կենցաղում բնական գազից օգտվելու անվտանգության պահանջների խախտմամբ պայմանավորված դեպքերի վիճակագրությանը, նշվեց, որ անցած տարի 2022թ․ համեմատ նման պատահարների քանակը նվազել է, ինչը «Էյ-Ի-Ջի Սերվիս» ՍՊԸ-ի և ԳԳՄ-ների համատեղ աշխատանքի արդյունքն է։
«Հետևողական և համակարգված աշխատանքի արդյունքում, անկասկած, նվազման միտում է արձանագրվում։ Սակայն, երբ խոսում ենք մարդկային կյանքի մասին, ապա մեկ դեպքն անգամ պետք է համարենք անընդունելի։ Անհրաժեշտ է շարունակել համալիր կանխարգելիչ միջոցառումներն այդ ուղղությամբ։ Հուսով եմ, որ, չնայած մարդկային գործոնին, պատահարների քանակը էլ ավելի կնվազի», — նշեց «Գազպրոմ Արմենիա» ՓԲԸ Վարչության նախագահ-Գլխավոր տնօրենը։
Խորհրդակցության արդյունքներով ԳԳՄ-ների տնօրեններին տրվեցին մի շարք հանձնարարականներ։
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 803 ԿԲ)