Կարգավարական խորհրդակցություն «ՀայՌուսգազարդ» ՓԲԸ-ում
Հունիսի 26-ին «ՀայՌուսգազարդ» ՓԲԸ Վարչության նախագահ — Գլխավոր տնօրեն Կ.Կարապետյանի մոտ կայացած կարգավարական խորհրդակցության ժամանակ Գլխավոր տնօրենի կողմից տրվել են հետեւյալ հանձնարարականները.
- հետեւել ֆրանսիական «Գազ դե ֆրանս»-ի կողմից Աբովյանի գազի ստորգետնյա պահեստարան — կայանի վերակառուցման և վերազինման ծրագրի նախապատրաստական աշխատանքների կատարման գործընթացին,
- Հանրային ծառայությունները կարգավորող հանձնաժողովի հետ համատեղ հետևողականորեն աշխատանքներ վարել ինչպես «Գնումների կարգի», այնպես էլ նորմատիվային դաշտում այլ փոփոխություններ կատարելու հարցում,
- մշտական հսկողությամբ համեմատական աշխատանքներ տանել ներտնային ստուգայցերի և հայտնաբերված թերությունների, սպասարկման աշխատանքների կատարման որակի ուղղությամբ,
- առաջարկություններ ներկայացնել «Նաիրիտ գործարան» ՓԲԸ բնական գազի դիմաց վճարումների ապահովման առկա պարտավորությունների ապահովման և մարման եղանակների վերաբերյալ,
- մինչև 15.07.06թ. ներկայացնել համապատասխան հաշվարկ` իրականացվող ջերմամատակարարման ներդրումների սակագնային պարզաբանմամբ և ջերմամատակարարման դիմաց վճարումների հավաքագրման ժամանակացույցի առկայությամբ,
- ակտիվացնել «ՀայՌուսգազարդ» ՓԲԸ հիմնական միջոցների օտարման գործընթացը: Ըստ ժամանակացույցի ԳԳՄ-ներում տարվող ֆինանսա-տնտեսական գործունեության ուսումնասիրությունը իրականացնել մանրակրկիտ և խստագույն ձևով:
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36