Վ.Հարությունյանը շնորհավորել է համակարգի աշխատակիցներին մասնագիտական տոնի առթիվ

31 օգոստոսի 2013, 12:00

Սեպտեմբերի առաջին կիրակին ետխորհրդային տարածքում, ավանդույթի համաձայն, նշվում է որպես գազի համակարգի աշխատողների մասնագիտական տոն:

«ՀայՌուսգազարդ» ՓԲԸ-ի Վարչության նախագահ-Գլխավոր տնօրեն Վարդան Հարությունյանը շնորհավորել է Ընկերության աշխատակիցներին մասնագիտական տոնի առթիվ:

Հարգելի գործընկերներ,
Ջերմորեն շնորհավորում եմ ձեզ մասնագիտական տոնի՝ գազի համակարգի աշխատողների օրվա առթիվ:

Հայաստանի գազի տնտեսությունն ավելի քան 50 տարիների պատմություն ունի, որն արձանագրել է թե դժվարություններ, և թե հաջողություններ:


«ՀայՌուսգազարդ»-ը Հայաստանի գազաէներգետիկ համակարգում գործում է արդեն 16 տարի: Սա, կարելի է ասել, երիտասարդ տարիք է, սակայն այդ ընթացքում մեզ հաջողվել է հասնել խոսուն ձեռքբերումների` իրականացնելով մի շարք լայնածավալ նախագծեր, որոնք Հայաստանի տնտեսական կյանքում առանցքային դերակատարություն ունեն: Իսկ ամենանշանակալի արդյունքն այն է, որ մեր ջանքերի շնորհիվ հանրապետության սպառողական շուկան ապահովված է անխափան ու հուսալի գազամատակարմամբ:


Ցանկանում եմ հատուկ ընդգծել, որ Ընկերության արդյունավետ աշխատանքի, նշանակալի հաջողությունների գրավականը միշտ եղել և մնում են մեր աշխատակիցները: Մեր աշխատակազմի համախմբվածությունը, մեր աշխատակիցների մասնագիտական բարձր ունակությունները, պատասխանատվությունը և միաժամանակ մեծ նվիրվածությունն աշխատանքին այն գործոններն են, որոնց շնորհիվ «ՀայՌուսգազարդ»-ում ձևավորվել է աշխատանքային յուրահատուկ մթնոլորտ և ամենակարևորը՝ թիմային ոգի:


Եվս մեկ անգամ շնորհավորում եմ Ընկերության աշխատակիցներին գազի համակարգի աշխատողների օրվա առթիվ, մաղթում եմ ձեզ նոր ձեռքբերումներ աշխատանքային գործունեության մեջ, քաջառողջություն ու ամենայն բարիք ձեզ և ձեր հարազատներին:

Հասարակայնության և զանգվածային լրատվության միջոցների հետ կապերի ծառայություն

Կոնտակտային տվյալներ ԶԼՄ-ների համար.

+374 10 29-47-60

+374 10 29-49-36

m.harutyunyan@gazpromarmenia.am

LiveJournal Share Button