«Գազպրոմ Արմենիա» ՓԲԸ-ի աջակցությամբ կարիքավոր ընտանիքների երեխաները հանգիստը անցկացրել են առողջարարական ճամբարում
Հունիսի 29-ին Ծաղկաձորում տեղի է ունեցել առողջարարական ճամբարի հերթափոխի ավարտի հանդիսավոր արարողությունը։ Ամառային ճամբարում իրենց հանգիստն են անցկացրել ռուս հայրենակիցների 32 երեխաներ՝ կարիքավոր ընտանիքներից։
Միջոցառմանը ներկա էին Հայաստանում Ռուսաստանի դեսպանության, «Գազպրոմ Արմենիա» ՓԲԸ-ի, հասարակական կազմակերպությունների ներկայացուցիչներ։
Երեխաները ներկայացրել են թատերական և երաժշտական համարներ, ցուցադրել են ճամբարի մշակութակրթական ծրագրի ընթացքում ձեռք բերած հմտությունները։ Նրանք շնորհակալություն են հայտնել դեսպանությանը և «Գազպրոմ Արմենիա» ՓԲԸ-ին ամառային հանգիստը կազմակերպելու համար։
«Գազպրոմ Արմենիա» ՓԲԸ-ն մշտապես իր մասնակցությունն է ցուցաբերում Հայաստանում Ռուսաստանի դեսպանության և հասարակական կազմակերպությունների նախաձեռնությամբ իրականացվող սոցիալական և հումանիտար բնույթի ծրագրերին։
Հասարակայնության և զանգվածային լրատվության միջոցների հետ կապերի ծառայություն
Կոնտակտային տվյալներ ԶԼՄ-ների համար՝
(+374 10) 29-47-60
(+374 10) 29-49-36
Մեծացված լուսանկար (JPG, 175 ԿԲ)